رجعت لذنبي
للشاعر
خالد أبو مازن
رجعت لذنبي يا ربي
يارب إغفر لي ثبتني
عاهدتك إنه مش دربي
لكن نفسي يارب غويتني
شيطاني يارب خلاني
علي نفسي بقيت جاني
ولما سلكت خطواته
لقيت الذنب قام جاني
ولمت نفسي علي ذنبي
لكن نفسي بقي اتحدتني
رجعت لذنبي يا ربي
يارب إغفر لي ثبتني
يارب انا توهت ياما كتير
لكن قلبي ده جواه خير
غلطت ودايما إنت غفور
فمتسبنيش لذنبي أسير
أنا راجع ...
فمتسبنيش كده ضايع
يارب ذنوبي هدتني
رجعت لذنبي يا ربي
يارب إغفر ثبتني
أنا عبدك ...
ماليش في الدنيا دي بعدك
ومهما اذنب ...
هاكون دايما علي عهدك
ولما أموت وتسألني ملائكتك
فكل امالي يا رحمن تثبتني
وتوبت يارب من ذنبي
يارب إقبلني وارحمني
الشاعر
خالد أبو مازن
ليست هناك تعليقات:
إرسال تعليق