ناس وناس
ناس انترس خدها وداع
وناس مرافگه النعناع
عيشتنا ربع والهم ثلثت ارباع
طوفان الدهر وانكسر الشراع
الف صاع انوخذ ما حصلت صاع
شلك بالسما ومالك سهم بالگاع
يالحملك وديع وطاح بين سباع
تمد ايدك سلم تلويها الف اذراع
والمخفي بعزا فنجان گهوة وشاع
ناس وناس
ناس انترس خدها وداع
وناس مرافگه النعناع
كلها تريد منك ماكو حد اشباع
مع كل الأسف حتى الضمير انباع
خير إلي اندثر والشر جمعله اتباع
وشيعه مخلبصه والراس بيها ضاع
فرهود الطبع صيحة قطيع اجماع
لأن ياهو اليجي طماع ابن طماع
مگرود الضحيه وبلد ما بيه راع
ناس وناس
ناس انترس خدها وداع
وناس مرافگه النعناع
بقلمي..... محمد عارف
ليست هناك تعليقات:
إرسال تعليق