حلم جاكتة
هى الدنيا يابن ابوعاصم
زى البؤجه ف ايد غلبان
لو تديله الوهم تلومه
او تبعتله ميت تعبان
يمرح يسرح لو فحشاه
ولو تنساه
تلقى البؤجة كلها عته
تاكل البؤجة بكل ما فيها
الا جاكتة
شايله الهم وضيق الحال
شافت م الأيام أهوال
لبسها جعيدى وقت السخرة
وسابها ومات آخر شوال
خدها هريدى قبل النكسة
لبسها وحاله أصبح حال
اصل قماشها قطن يهودى
وسحرها سفلي بدون أعمال
زى سنين العمر السودة
خلت عمرك آخره بارودة
طلعت من خرطوش إهمال
حتى أقطانا كلتها الدودة
والأنوال على طول مشدودة
تسرق م الفلاح معوال
تقتل حلم ضناه جواه
وتنسج كدبة
ف شكل حقيقة وتكسب مال
حاتم المصرى
19/6/2019
ليست هناك تعليقات:
إرسال تعليق