آه ه .......يا بَحَر /تحيات شاعر فلسطين نبيل شاويش

آه ه .......يا
       بَحَر
آه يابَحر شو بَحكيلك إنت بُحور أسرار
حباب القلب فوق موجك سافروا والدَمع مِدرار
وهَدير الموت حَصد كبار وصغار
والأم حاملة طِفلها فوق راسها
حتى تفديه من الغرق والقلب محتار
وتركب موج الهجر وشوء ولهيب ونار
جُثث تناثرَت عالشط والسما صارت غبار
ألأم إنقَطع نَفسها وإديها مرفوعة
تُحضن طِفلها حتى يكمل المشوار
والأب يصرخ وينك يا أحمد
والدمع عالخد محتار
ويرُد الصدى أنا صرت بِحمى الرحمن
الموج كسر ضلوعي وكتير متلي صغار
تكَفنوا برذاذ الموج وتكللوا بالغار
ووجوهنا إ نتشرت بنشرت الأخبار
ونعوشنا من تراب وفخار
أخخخ يا بابا ملوك متل سيف جزار
كرمال عروشهم بيقطعوا الرقاب متل منشار
وحكام صاروا بعر حمار
وكرسي الحكم خلا قلوبهم حجار
وزعامات الفصائل باعوا دم الشهيد بالدولار
والوطن شوارعه صارت دم متل أنهار
وشعرائنا بيتسابقوا يكتبوا أشعار
وأطفال غزة والخليل بين الموت والنار
وعباس بقصره بياكل عسل وخيار
وهنية نسي العهد وسلم مفتاح الدار
ونسي يوم الحساب عند رب جبار
وين العَرَب وهِمة الأحرار
تايّرجعوا بَسمِة الأقصى وصَوت الكَنار
أه يا ماما حضنيني وربطي الزنار
وغسليني بدموعك وحميني من الغدار
الموج هدير عالي.. تانكمل المشوار
مع تحيات شاعر فلسطين
   نبيل شاويش