دويتو : جاي تاني ليه
(عتاب وقاسية)
جاي تاني ليه وبجد عايز مني ايه
مش ده قلبي اللي جرحته وحبي منك ضيعته
ولا انت فاكرني حبك لسه تاني هحن ليه
م خلاص نسيت الماضي كله وحكاويه
فوق بقي من الوهم اللي انت عايش فيه
.......................................................
أنا جاي لحد بابك..جاي دايب من غيابك
لسه فاكراني ولا..نسيتي اعز احبابك
انا مش راجع اتسلى..ومش ماشي غير لما اسمع جوابك
........................................................
جاي تاني ليه..وهتكسر فيا ايه
ما اخدت قلبي مني..وكنت ليك اسيرۃ
واديتني انت ايه..خيانه وغدر وحيرة
........................................................
انا جاي عشانك انتي..انا جاي عشان حبيبتي
انا راجع كلي أمل..إنك تنسي اللي حصل
ده انا من كتر حبي وطيبتي..ما نسيتك يوم طول غيبتي
........................................................
بتقول انت ايه..بتقول حبيبتي ليه
دلوقتي بقيت حبيبتك..و زمان انا كنت ايه
حب بيخلص في ثواني..يدوب اسم بين اسامي
وانت اللي كنت في قلبي..وعلى صدري وسامي
........................................................
زمان ودلوقتي وبكرا وف كل وقت..كنتي حبيبتي وغيرك ما عشقت
انا لو غبت صدقيني غبت عشانك..قلبي اللي حبك عمره يوم ما خانك
كنتي معايا ف غيابي ولما شفتك ما صدقت..باين خصامك في كلامك
بصي شوفيني قدامك..مش مشتقالي قد ما ليكي اشتقت
........................................................
انت فاهم يعني ايه عشق..انت فاكرني ليك اشتقت
انت عارف من بعدك ازاي عشت..انا كنت بحبي ليك ضعيفه
سبتني اعيش ايام مخيفه..انت لسه فاكر اني ليك هحن
انت لسه فاكر قلبي بيك بيئن..لا لا ابدا ما هكون ليك تاني حبيبه
ولازم تعرف ده مستحيل ابدا هرجعلك بعد جرحك ليا
ومش ممكن ابدا اسمعلك بعد اللي عملته فيا .......................................................
بقيتي قاسية ليه ..ما تفهميني ايه الحكاية
قوليلي عملت ايه ..يخليكي تتصرفي كده معايا
إزاي مش حاسة بيا..و ازاي تخرجيني بره الرواية
لو مش عايزة تبقي ليا..من غير ما تجرحيني اختاري النهاية
انا مش حمل عتاب وقاسية..وانتي ما قلتي كلمة خير بجد كفاية
........................................................
ايوة خلاص اكتفيت..ليا ياما جرحت
لا فيوم ليا هترجع..ومن حياتي خرجت
جرحي خلاص اتداوى..بايده كان الطبيب
فعز حزني جاني..وبقى لقلبي حبيب
هعيش معاه حياتي..وامشي وياه الطريق
بص هنا يا سيدي..حبه رسمه في ايدي
بدبله عليها اسمه..وفي قلبي نقشت رسمه
انت خلاص انتهيت..وجاي تقول حنيت
انت لسه فاكر..ما خلاص اتنسيت
ولازم تعرف ده مستحيل ابدا
هرجعلك بعد جرحك ليا
ومش ممكن ابدا اسمعلك
بعد اللي عملته فيا
خالدالمنصوري/مصر
31/12/2019
ليست هناك تعليقات:
إرسال تعليق