مش ملاحظه
ان قرار البعد عندك
اسهل كتير من انك فى مره تقربى..
..
و لو فى لحظه
الحنين حاول يعاندك
بتخبى قلبك جوه توب العقل و تهربى..
..
استنى لحظه
القلوب ليها لغه صعب
تفهمها العقول..
..
و القلب اللى عاش فى صمت
لابد العقل يسمعه
لما ينطق او يقول..
..
العمر كام؟
العمر عام
هيبقى ايه لو نضيع فى العناد
كل الفصول..
..
اسمحيلى عقلك اذكى
عقل يمكن..
بس قلبك ليه غبى..
..
مش ملاحظه
ان قرار البعد عندك
اسهل كتير من انك فى مره تقربى..
..
#خالدعبدالمعطى
ليست هناك تعليقات:
إرسال تعليق