حد تانى
*********
قلبك معقوله ينسانى ؟
وهو ممكن حد تانى
يسكنه وياخد مكانى
هو كان قصرى وكيانى
وكل نبضه بتحكى عنى
وكنت منه وهو منى
وأقوى من شريان رابطنى
وكأن روحك جوه منى
روحنا واحده مش روحين
بس مقسومه لروحين
عمر عدى وعدت سنين
وفيها بيزيد بينا الحنين
بعد اللى بينا م الكلام
بتحكيلى عن رؤيا ف منام
بحد غيرى خد منى المهام
وخد وعودى حتى الكلام
ساعتها روحى هاتبقى فين
عايشه وبتنعى السنين
ولا بتواسى قلبى الحزين
ولا ماتت م الانين
ولا يمكن مكتوب لى اعيش
جسم لكن كيان مافيش
أصل الحياه بعدك ماليش
وبعدك روحى ماتهمنيش
ومش هاعيش بعدك ثوانى
ف سؤال واجابته محيرانى
قلبك مش معقوله ينسانى ؟
وحد غيرى ياخد مكانى
ممكن وهو معقول يحصل
وللدرجه والحد دا يوصل
لا هارضى يوم ولا هاقبل
تكون مع حد واتحمل
م/محمد بدوى أبوالعلا
ليست هناك تعليقات:
إرسال تعليق