من قصيدة :
( زمن المواجع )
كلمات / أسامة رفعت
مش محتاج أحزن
يا زمن المواجع
الحزن ماليني ومستكفي
مرسوم على جبيني
ومنقوش على كفي
واسمي في صفحتك
حروفه ياقوت
مجبور أضحك لك
رغم الوجع وأعلي الصوت
وأضحك موووت
على كل اللي راح
ومش راجع
على نفسي الضايعة
جوه أمل ضايع
على اللي فات
واللي لسه
مش راضي يفوت
مجبور أضحك على يومي
وأشد في همومي شد
وأبني اللي مني إتهد
عشان يتهد
وانا واقف كما الهرم
في سكوت
مجبور أمشي في سكتك
وانا مغمض
لا ليا حق أقبل
ولا ليا حق أرفض
وكل شارع فيك مضلم
والحزن خيم
فوق كل البيوت
ماعرفتش تبكيني صحيح
وكل يوم بأضحك
ومين يعرف ضحكة المجاريح
غير مجروح
يوم ما يجيلو الفرح
بيجيلو مزفوف في تابوت
من كلمات : أسامة رفعت
ليست هناك تعليقات:
إرسال تعليق